گاڤ

نه‌ته‌وه‌یێن ئێكگرتى راگه‌هاند، 81.6%ێ یا ئاكنجیێن ئیراق و هه‌رێما كوردستانێ ئه‌نته‌رنێتێ بكاردئینن.

ئێكه‌تییا نیڤده‌وله‌تى یا په‌یوه‌ندیێن ته‌له‌فوونى یا سه‌ر ب نه‌ته‌وه‌یێن ئێكگرتى ڤه‌: 67.6%ێ یا ئاكنجیێن جیهانێ ئه‌نته‌رنێتێ بكاردئینن و پترین رێژه‌یا بكارئینانێ ل وه‌لاتێن كه‌نداڤى یه‌ و كێمترین رێژه‌یا بكارئینانێ ل كۆریا باكۆر و وه‌لاتێن ئه‌فریكیایه‌ و ل به‌حرێن، سعوودیه‌ و ئیمارات 100%ێ یا وه‌لاتییان ئه‌نته‌رنێتێ بكاردئینن.

ل گۆڕه‌یى نه‌ته‌وه‌یێن ئێكگرتى ل رۆژهه‌لاتێ كوردستانێ و ئیرانێ 79.6%ێ یا وه‌لاتییان ئه‌نته‌رنێتێ بكاردئینن و ل توركیا و باكۆرێ كوردستانێ ژى 87.3%ێ.

ل رۆژهه‌لاتا ناڤین سووریا و رۆژئاڤایێ كوردستانێ كێمترین رێژه‌ تۆماركریه‌ و 34.7%ێ یا وه‌لاتییان ئه‌نته‌رنێتێ بكاردئینن.

داتایێن نه‌ته‌وه‌یێن ئێك گرتى بۆ 10 وه‌لاتێن پترین ئه‌نته‌رنێتێ بكاردئینن

•  بەحرێن - 100٪
• سعودیە - 100٪
• ئیمارات -  100٪
• ئایسلاند -  99.8٪
• دانیمارک -  99.8٪
• کوێت - 99.7٪
• قەتەر -  99.7٪
• مۆناکۆ -  99.1٪
• بڕوونی -  99٪
• نەرویژ -  99٪

  وه‌لاتێن كێمترین ئه‌نته‌رنێتێ بكاردئینن

• کۆریا باکۆر -  0٪
• کۆمارا ئەفریكیا ناڤه‌ڕاست -  7.51٪
• ئۆگەندا -   8.95٪
• سوودانا باشۆر -  9.27٪
• بۆرۆندی - 11.1٪
• چاد -  13.2٪
• یەمەن -  13.8٪
• زامبیا -  15٪
• ئەسیوپیا -  16.7٪
• بۆرکینا فاسۆ -  17٪

بكارئینانا ئه‌نته‌رنێتێ ل هه‌رێما كوردستانێ

بكارئينانا ئه‌نته‌رنێتێ ل سنۆرێن پارێزگه‌هێن هه‌رێما كوردستانێ ره‌نگڤه‌دانێن جودا ل دویف خۆ دا ئیناینه‌، زێده‌بارى پاراستنا مافێن مرۆڤى و بنه‌مایێن كارێ رۆژنامه‌ڤانى كو ب رێكا یاسایێ هاتییه‌ رێكخستن، لێ ده‌م بۆ ده‌مى ل سه‌ر كێشه‌ و كه‌یسێن جودا كێشه‌ دروست دبن و ب رێكێن دادگه‌هێ دهێنه‌ چاره‌كرن.

پرسا هه‌ره‌ سه‌ره‌كى و مژارا كارتێكرن ل سه‌ر جڤاكى كری بكارئینانا ئه‌نته‌رنێتێ یه‌ ژ ئالییێ زاڕۆكان ڤه‌ و نوكه‌ بوویه‌ پشكه‌ك ژ خێزانێ و ئه‌ڤێ یه‌كێ ل گۆڕه‌یى بسپۆران زیانێن مه‌زن ل سه‌ر مه‌ژیێ گه‌نجى و سه‌ره‌ده‌رییا وى ل گه‌ل خێزانێ كریه‌ و هنده‌ك جاران ژى بوویه‌ ئه‌گه‌ر ئۆتیزم هنده‌ك زاڕۆكان بگریت.

ده‌هان كۆمپانى ل سه‌رانسه‌رى هه‌رێما كوردستانێ ئه‌نته‌رنێتێ ب وه‌لاتیێن جودا دده‌ن ل هه‌مبه‌ر پشكداریێن ژ ده‌مژمێران و تا د گه‌هیته‌ پشكدارییا رۆژانه‌ و هه‌یڤانه‌ و ئێدى بوویه‌ ئالاڤه‌ك بۆ گه‌هاندنا په‌یامێن جودا جودا و هه‌رێما كوردستانێ ژى ل گه‌ل جیهانێ د ناڤا وێ پێلا ته‌كنه‌لۆژیایێ دا دبۆریت.