گاڤ

کۆمپانییا شاماران راگەهاند، بەرهەمئینانا پەترۆلێ ل ئەترووش و سەرسنکێ 50%ێ کێمکریە، بەلێ دهات زێدە بوویە.

ل گۆڕەیى راپۆرتەکا دارایى یا مەها ئێک یا ئەڤسالە یا کۆمپانییا شاماران بەرهەمئینانا پەترۆلێ ل هەر دو کێلگەهێن سەرسنک و ئەترووش داکەفتنەکا مەزن ب خۆ ڤە دیتییە و 50%ێ کێمکریە، بەلێ دهات زێدە تر بوویە.

هەروەسا ئاشکراکریە، ژبەر شەڕێ ئەمریکا و ئسرائیل ل گەل ئیرانێ ژ 2ى ئادارێ بەرهەمئینانا پەترۆلێ هاتییە راگرتن.

هەڤبەرکرن ل دۆر ئاستێ بەرهەمئینانێ د سالێن 2026 و 2025ێ دا

کێلگەها ئەترووش:

د چارێکا ئەڤسالە دا رۆژانە 20.6 هزار بەرمیل، د چارێکا ئێکێ یا سالا 2025ێ 35.3 هزار بەرمیلێن رۆژانە.

کێلگەها سەرسنک:

د چارێکا ئێکێ یا ئەڤسالە دا رۆژانە 15.3 بەرمیل، د چارێکا ئێکێ یا سالا 2025ێ دا 29.9 هزار بەرمیلێن رۆژانە.

داهات زێدەتربوویە

د چارێکا ئێکێ یا ئەڤ سالە دا داهات گەهشتییە 36 ملیۆن دۆلاران کو ل سالا 2025ێ 35.9 ملیۆن دۆلار بوو.

کۆمپانییا شاماران ئێک ژ کۆمپانیێن کەرتێ پەترۆل و گازێ یە ل هەرێما کوردستانێ و پشک د هەر دو بلۆکێن سەرسنک و ئەترووش دا هەیە.