ئامهد سپۆر دێ ئاههنگهكا مهزن ل باژارێ ئامهدێ گێڕیت
بەلاڤ بکە
گاڤ
ب ههلكهفتا سهركهڤتنا وێ بۆ خولا نایابا توركیا (سوپهر لیگ)ێ، یانهیا ئامهدسپۆر بڕیار دا ئاههنگهكا مهزن ل ئامهدێ ساز بكهت.
یانهیا ئامهدسپۆر، رۆژا ئێكشهمبی 10ێ ڤێ مههێ، ل پاركا نهورۆز ل دهڤهرا باغلهرێ ل ئامهدێ، ئاههنگا سهركهفتنا خۆ بۆ خولا مهزنێن توركیا دگێڕیت. بۆ ڤێ مهرهمێ، ژمارهیهكا گرۆپ و هونهرمهندێن كورد هاتینه داخوازكرن، ژ وان ژی: گرۆپا (ئاگری ژیان)، گرۆپا (باژار)، بهسهر شاهین و سیمیاگهر.
ئامادهكاری بۆ ڤێ ئاههنگێ گههشتینه قۆیناغا دویماهییێ و دهێته چاڤهڕێكرن ب هزاران وهرزشڤان و وهلاتى ژ پارێزگههێن دهوروبهرێن ئامهدێ ژی پشكدار ببن. ئهڤ كهیفخۆشییه پشتی هندێ دهێت ل رۆژا 5ێ ڤێ ههیڤێ، ئامهدسپۆر دگهل یانهیا ئیدر سپۆر ب 3 گۆلان ههڤسهنگ بوو و ب ڤی ئهنجامی ئێكسهر گههشته خولا نایاب.
سهركهڤتنا ئامهدسپۆرێ پشتی هندێ هات كو ههڤڕكا وێ، یانهیا (ئهسهنلهر ئهرۆك سپۆر) نهشییا ژ یانهیا (پهندیك سپۆر) ببهت و یارییا وان ب ههڤسهنگی ب دویماهی هات. ئهڤ ئهنجامه بوو ئهگهر كو ئامهدسپۆر ب رهنگهكێ فهرمی و ئێكسهر جهێ خۆ د ناڤ یانهیێن مهزنێن توركیا دا بگریت.
