گاڤ

سەرۆکێ ئەمریکا ڕادگەهینیت کو پرۆسەیێن سەربازی دژی ئیرانێ ب دوماهی نەهاتینە و دبیت هەتا دو حەفتییێن دی ژی هێرشێن وان بۆ سەر ئارمانجێن دیارکری دەستپێبکەن و نەتەنیاهۆ ژی گەفا هان دکەت

ئەڤ گەفێن نویی یێن دۆنالد ترەمپی پشتی هندێ دهێن کو ئالۆزییێن ناڤبەرا واشنتۆن و تەهرانێ پشتی راگەهاندنا ئاگربەستێ گەهشتینە ئاستەکێ بلند و بەحس ل چارەنڤیسێ پاشماییێن ئەتۆمی یێن ئیرانێ دهێتەکرن.

ئەڤرۆ ئێکشەمبی، 10-05-2026، دۆنالد ترەمپ، سەرۆکێ ئەمریکا د داخویانییەکێ دا راگەهاند: "من نەگۆتییە پرۆسەیێن جەنگی دژی ئیرانێ ب دویماهی هاتینە، بەلکو من گۆتییە ئەو تووشی شکەستنێ بووینە." ترەمپی ئاشکرا کر کو هێشتا ئامانجێن وان ل ناڤ ئیرانێ ماینە و دبیت بۆ دەما دو حەفتییێن دی گاڤێن سەربازی بگرنەبەر دا کو بگەهنە 100%ێ ئارمانجێن خۆ.

سەرۆکێ ئەمریکا تەکەز کر کو ئەو چاڤدێرییا وی یۆرانیۆمێ پیتاندی دکەن یێ کو ل بن هەڕفتەیێن بنگەهێن وێرانکری ڤەشارتی مای و گۆت: "هێزا ڤالاهییا ئاسمانی یا ئەمریکا ئەرکێ چاڤدێریکرنێ بڕێڤەدبەت، هەر کەسێ نێزیکی وی یۆرانیۆمی ببیت، دێ زانین و دێ وان جهان پەقێنین." ترەمپی ئاماژە ب هندێ ژی کر کو سەرکردەیێن ئیرانێ یێن دەستەیا A و B  و C هەمی ژ ناڤ چووینە.

ژ لایێ خۆ ڤە، بنیامین نەتانیاهۆ، سەرۆکوەزیرێ ئسرائیلێ پشتەڤانییا گۆتنێن ترەمپی کر و راگەهاند کو شەڕ ب دویماهی نەهاتییە، چونکی هێشتا یۆرانیۆمێ پیتاندی و کارگەهێن ئەتۆمی ل ئیرانێ ماینە کو پێدڤییە بهێنە ژناڤبرن.

شرۆڤەکارێن سەربازی و سیاسی ل وێ باوەرێنە گەفێن توند یێن هەردو ئالییان نیشانەکا رۆهنن کو ستراتیژییا ئەمریکا و ئسرائیلێ پشتی لاوازکرنا هێزا سەربازی یا ئیرانێ، نوکە ل سەر ژناڤبرنا ب تەمامی یا پاشکەفتێن ئەتۆمی چڕ بوویە. بکارئینانا هێزا ڤالاهییا ئاسمانی (Space Force)  بۆ چاڤدێریکرنا یۆرانیۆمێ ڤەشارتی، ووناغەکا نوی یا شەڕێ تەکنۆلۆژی نیشان ددەت.