لوقمان ئاسیهى

بلا ل سەر بەڕکێ بت، من ب خوە ژ کوردا، تایبەت ژ (سیاسەتڤان) و میدیاکارێن کوردا، عەجیبتر و غەریبتر نە دیتنە و گوهلێنەبووینە. وەرە تو کارێ خوە، شەهرەزاییا خوە، پرۆفشینالی و هەمى (خەبیری) یا خوە بێخیە د ئەوی دەرگەهى دە کا تو دێ چاوا پتر کوردەکى دى، تنێ چونکى نە ل سەر رێچکا تەیە، نە ژ حزبا تەیە، دێ لەوتینى و عەیبەلۆ کى و کییە جلەکێ بێ نڤێژ. بابۆ (سمعنا و اطعنا) راستە د سیاسەتێ دە، تایبەت د دەمێ هەلبژارتن و کاروبارێن وەسا دە، رکمانى و جەدەل و خوەدیارکرن ل سەر حسابا ئێکدو یا هەى، بەس ئێکسەر پاش سوحبەتا هەڤڕکیا هەلبژارتنان بدویماهی دئێت، هەر تشت ئاسایی دبنەڤە و ئەنجام ( هەر چاوا بن ل ئێکدو دئێنە پیرۆزکرن، بەس ل دەف مە هەمى (سنوور) دئێنە دەربازکرن ڤێجە (یا ل وى و بابێ وى) یێ دى بکتە دز و جەردە و نەشال و خائین و گەندەل و هیچ و پویچ ( ........) و یا ژ ئەڤێ ژى کامباختر (لەشکەرەکێ) مەزنێ راگەهاندنێ ژى و کەنالێن (زەخم) و میدیاکارێن ( پرۆفیشنال) ژى  یێن ئێخستینە د خزمەتا ئەڤێ (چەپەڵییێ) دە و ب پرۆفیشینالانە ب کارێ ( هەتکبرنا) ئێکدو رادبن و (داهێنانێ) و رەنگە (رەوانبێژیێ) ژى د ئەوى کارى دە بکاردئینن.

جارێ (أَلَيْسَ مِنكُمْ رَجُلٌ رَّشِيدٌ)؟ ما ئێک نینە، تشتەکێ د ئەڤى وارى بێژت؟ ما ئێک نینە بێژت بابۆ کێرێ نە گەهیننە سەر هەستى؟ ما ئێک نینە بێژت : (الاختلاف فى الرأى لا يفسد للود قضية)؟ ما ئێک نینە بێژت ئەم هەمى کوردن و مە ئێک (دۆزا) هەى؟ ما ئێک نینە بێژت ب ئەڤێ (خەبصا) وە و هوین وەک ( ........) ماينه ب سەر ب ستویێن ئێك ڤە، وە دلێ مە ژ ( كوردينێ) ژى رەشکر؟ ئارێشەیا هەرە مەزن ئەوە کو هەمان ئەڤ (سیاسەتڤانە) و هەمان ئەو سازیێن (میدیای) گەلەک گەلەک نورمال دشێن (داگێڕانێ) بۆ (هەرنەکوردەکێ) هەبت بکن، بەس بۆ خوە بشارێ چەتۆى و عەمێ گۆزێ نە و ... ، خودێ مە چێکت، هەمى بێژن ئامین "