گاڤ

جڤاتا نوینەرێن ئەمریکا پرۆژەیاسایەک ل دژی سەرۆکێ ئەمریکا پەسەندکر و ئەگەر ئەو پرۆژەیە ژ جڤاتا پیران ژی دەربازبوو، دێ کێشە بۆ ئارمانجێن ترەمپی چێبن.

شڤێدی پرۆژەبریارەک د جڤاتا نوینەرێن ئەمریکا دا کەفتە بەر دەنگدانێ و ب 215 دەنگێن بەلێ ل هەمبەر 208 دەنگێن نەخێر هاتە پەسەندکرن. چار ئەندامێن جڤاتێ یێن سەر ب حزبا کۆماری دەنگ دژی ترەمپی دا.

ل گۆرەی بریارێ، دۆنالد ترەمپی ماف نینە بێی رازیبوونا جڤاتا نوینەران بەردەوامییێ بدەتە شەڕێ ل گەل ئیرانێ.

بریار دێ ترەمپی نەچار کەت هەمی هێزێن ئەمریکی ڤەکێشیت یێن ب مەرەما شەڕێ ئیرانێ هاتینە هنارتن و بتنێ کۆنگرێسی ماف هەیە شەڕی رابگەهینیت.

جارێ هێشتا ئەڤ پرۆژەبریارە نەهاتیە بجهئینان و بۆ بجهئینانێ پێدڤییە جڤاتا پیران ژی ڤێ بریارێ پەسەند بکەت، ئەگەر پەسەند نەکر، ناهێتە بجهئینان.