ئەمریکا 4 درۆنێن ئیرانێ ئێخستن و هێرشى باشۆرێ ئیرانێ کر
بەلاڤ بکە
گاڤ
سێنتکۆمێ راگەهاند، هێزێن وان 4 درۆنێن ئیرانێ ئێخستینە کو بەر ب دەرتەنگا هورمز دچوون و ب توندى ژى رادارێن ئیرانێ ل گزریتا قەشم ل باشۆرێ ئیرانێ کرینە ئارمانج.
فەرماندەیا ناڤەندى یا ئەمریکا (سێنتکۆم)ێ ئاشکراکر، ئەڤرۆ سپێدێ و پشتى نیڤا شەڤێ یا شەڤێدى وان هێرشى بنگەهێن ئیرانێ ل گزریتا قەشم ل باشۆرێ ئیرانێ کریە و رادارێن وان د هێرشێ دا بووینە ئارمانج، هەروەسا ئاشکراکر، هێزێن ئەسمانى یێن وان 4 درۆن ئێخستینە کو بەر ب دەرتەنگا هورمز د چوون و گەفێن راستەوخۆ بوون ل سەر لڤینا کەشتیێن بازرگانى ل ناوچێ.
هەروەسا د پەیاما خۆ دا سێنتکۆمێ دیارکریە، هێزێن وان د ئامادەباشییەکا تەمام دانە بۆ بەرسڤدانا هەر هێرش و گەف و دەستدرێژییەکا ئیرانێ و ئەو رێکار ژى د چارچۆڤێ بەرەڤانیکرنێ دا بوو.
ئاژانسا میهر یا ئیرانى بەلاڤکریە، وەک هێزێن وان ل نێزیک دەرتەنگا هورمز وەک رێکارەکا هۆشداریێ تەقەکریە و وان تەقەیان ژى پەیوەندى ب گوهۆڕینا جهێن کەشتیێن ئەمریکى بوو ل ناوچێ.
