گاڤ

شیرەتکارێ رێبەرێ بلندێ ئیرانێ راگەهاند، ئەگەر شەڕ دەستپێبکەت ئیران دێ مەیدانا شەڕى ژ کەنداڤى بەرفرەهتر کەت و دێ گەهیتە زەریایا هندى، دەریایێن سۆر و ناڤەڕاست.

محسن رەزایى، شیرەتکارێ رێبەرێ بلندێ ئیرانێ د چاڤپێکەفتنەکێ دا ل گەل تۆڕا سى ئێن ئێن دیارکر، ڤەگەڕاندنا 24 ملیار دینارێن ئیرانێ یێن بلۆککۆرى گاڤەکە بۆ دروستکرنا باوەریێ و ئەگەر ترەمپى بڤێت ب گەهیتە رێککەفتنێ، نەڤەشارت کو ئەو پارەیە تێستەکە بۆ ئەمریکا کو باوەرییێ دروست بکەت و دوپاتکر، ئەو پارەیە یێ ئیرانێ یە.

رەزایى هۆشدارى دان ئەگەر ئەمریکا شەڕى دەستپێبکەت ئیران دێ مەیدانا شەڕى بۆ دەرڤەى کەنداڤى ڤەگوهێزیت و ب جۆرەکى زەریایا هندى و دەریایا سۆر و ناڤەڕاست ڤەگریت.

هەروەسا دیارکر، ئەو دێ رەهندەکێ نوى دەنە شەڕى و دێ هێرشى وان بنگەهان کەن یێن تا نوکە ئیرانێ هێرش ل سەر نەکرین.

ل دۆر داخویانییا ترەمپى ئەوا بەحس ل کۆمبوونا ترەمپى و رێبەرێ بلند کر دازانین ئەو روونادەت و ل دەستپێکا قۆناغا دانوستاندنان ترەمپى بخۆ دانوستاندن راگرتن.