گاڤ

بزاڤا نوجەبا راگەهاند، کۆمکرنا چەکى پڕۆژەیەکێ ئەمریکى یە و بۆ هێرشکرنا ل سەر شیعەیانە و نابیت چەک وەسا ب ساناهى بهێتەدانان.

بزاڤا نوجەبا گرۆپەکێ میلیشیایێن ئیراقى یە و سەر ب حەشدا شەعبى ڤەیە ل سالا 2013ێ ژ گرۆپێ عەسائیب ئەهل ئەلحەق ڤەبوو و نوکە خۆ ب ئێک ژ گرۆپێن حزبوللا یا ئیراقى ددەتە دیارکرن.

نازم سەعیدى، سەرۆکێ جڤاتا بجهئینانێ یا بزاڤا نوجەبا راگەهاند، کۆمکرنا چەکى بۆ ژناڤبرنا مقاوەما ئیراقى و هێزێن حەشدا شەعبى یە و هەر بابەتەکێ گرێدایى چەکى دڤێت یێ گشتگیر بیت و نابیت چەک وەسا ب ساناهى بهێتە دانان.

ئاشکراکر ژى مەترسى بتنێ ل سەر چەکى نینە بەلکو ل سەر حەشدا شەعبى بخۆ ژى هەیە و شیعە یێ ژ چەک د هێنە کرن و ئەڤە بۆ سنۆردارکرنا شیانێن سەربازى یە.

گۆتنێن بزاڤا نوجەبا ل دژى گۆتنێن چارچۆڤێ هەماهەنگییێ و سەرۆکوەیزرێن ئیراقێ نە کو داخوازا کۆمکرنا چەکى ل ژێر سیادا دەولەتێ و سەرۆکێ هێزێن چەکدار دکەن.

پێشتر چەندین میلیشایێن شیعەیان چەکێ خۆ رادەستکریە و بانگەوازى بۆ سەرۆکێ هێزێن چەکدار کریە کو بچنە د چارچۆڤ و سیستەمێ دەولەتا ئیراقێ دا.