گاڤ

پشتی دەستپێشخەرییا موقتەدا سەدری یا هەلوەشاندن و  رادەستکرنا چەکێ سەرایا سەلام، گرۆپێن دی ژی دەست ب ڤێ گاڤێ کر و بوویە واقعەکێ سیاسی ل ئیراقێ.

جێگرێ فەرماندارێ ئۆپەراسیۆنێن هەڤپشک دۆپاتکر کو رادەستکرنا چەکی بتنێ دێ ژ گرۆپێن حەشدێ گریت.

قەیس محەمەداوی، جێگرێ فەرماندارێ ئۆپەراسیۆنێن هەڤپشک بۆ کەنالێ حەدەس گۆت: هەلوەشاندن و رادەستکرنا چەکی بتنێ ژ گرۆپێن ناڤا حەشدا شەعبی دا گریت و چ پلان و نیاز بۆ هێزێن دەرڤەیی حەشدێ نینە. تانوکە هەر ئێک ژ سەرایا سەلام، عەسایب ئەهل ئەل حەق و کەتائیب ئیمام عەلی پشکداری ڤێ پرۆسەیێ بووینە.

هەروەسا گۆت: هەمی گرۆپێن مایی ژی دێ چەکێ خۆ رادەستکەن و تەڤلی هێزێن ئەمنی یێن دەولەتێ بن. هەر گرۆپەکێ رازی نەبیت، دێ لێپرسینێن یاسایی ل گەل هێنە کرن.

جێگرێ فەرماندارێ ئۆپەراسیۆنێن هەڤپشک دیار ژی کر کو بنگەهێ عەین ئەسەد هاتییە چوولکرن و ل نێزیک بارەگەهێ هەڤپەیمانان دێ بۆ هەولێرێ هێتە ڤەگۆهاستن.