گاڤ

وەزیرێ ناڤخۆ یێ پاکستانێ گەهشتە تەهران و دێ نامەیەکێ گەهینیتە رێبەرێ بلندێ ئیرانێ و نامە ژ دەف سەرۆکوەزیران و سوپاسالارى بۆ چوویە.

هەر ل گەل دەستپێکرنا شەڕى وەلاتێ پاکستانێ گەلەک بزاڤکرن شەڕى راگریت و ناڤبەینکاریێ د ناڤبەرا ئەمریکا و ئیرانێ بکەت و ل دویماهییێ شیا هەر دو ئالییان ل سەر ئێک مێز ل پایتەختا وەلاتێ خۆ کۆم بکەت، لێ تا نوکە نەگەهشتینە چ رێککەفتنێن راگەهاندنى.

محسن نەقەوى، وەزیرێ ناڤخۆ یێ پاکستانێ ل تەهرانا پایتەختێ ئیرانێ یە و دێ نامەیەکێ گەهینیتە رێبەرێ بلند یێ ئیرانێ و نامە ژ ئالییێ سوپاسالارى و سەرۆکوەزیرێن پاکستانێ ڤە هاتییە هنارتن.

نەهێلانا ئالۆزییا و گەهشتن ب رێککەفتنێ د ناڤبەرا واشونتون و تەهران دا مژارا سەرەکى یا سەرەدانێ یە، ل دەمەکى وەزیرێ ناڤخۆ دێ چەندین کۆمبوونێن گرنگ ل وى وەلاتى کەت و گەلەک ژ وان کۆمبوونان نهێنى نە.