گاڤ

دو درۆن ل سنۆرێ ئاکرێ و سێ درۆن ل سنۆرێ خەلیفان هاتنە ئێخستن و هێرشی بارەگەهێ حزبەکا رۆژهەلات هاتەکرن

ل گۆرەی زانیارییێن گاڤ: ئەڤرۆ سپێدێ دەمژمێر 5:00 ل سنۆرێ هەردو گوندێن گوجار و زراڤۆک ل ناحیا بجیل یا سەر ب قەزا ئاکرێ ڤە هەردو درۆن هاتینە ئێخستن.

وەلاتییێن دەڤەرێ دبێژن، ل گەل ئێخستنا وان درۆنان دەنگێ فرۆکەیێن شەرکەر ل ئاسمانی دهاتە گوهلێبوون. پارچەیێن وان درۆنان کەفتینە خوار و چ زیان نەبوون.

هەر ئەڤرۆ سپێدێ هێرشی بارەگەهێ سۆپایێ میللی کوردستان یێ رۆژهەلاتێ کوردستانێ ل سنۆرێ هەولێرێ هاتەکرن.

هەر ئەڤرۆ سپێدێ ژی سێ درۆن ل ئاسمانێ خلیفان ل سنۆرێ سۆران هاتنە ئێخستن.