گاڤ

ئيرانێ هۆشدارى دا کۆمەلگەها نێڤدەولەتى و راگەهاند، ئەمریکا و ئسرائیل 17 جاران هێرشى ناڤەندێن وان یێن ئەتۆمى کریە.

شەڕێ ئەمریکا و ئسرائیل ل گەل ئیرانێ ل 28ى شواتا ئەڤ سالە دەستپێکر و ئەمریکا و ئسرائیل رژدن شیانێن ئەتۆمى یێن ئیرانێ ژ ناڤ ببەن ل هەمبەر ژى ئیران دبێژیت: بەرنامەیێ وان یێ ئەتۆمى بتنێ بۆ ئاشتییێ و تێھنێ یە و ب مافێ خۆ دزانن.

شاندا ئیرانێ ل ئاژانسا نێڤدەولەتى یا ئەتۆمى هۆشدارى دا کۆمەلگەها نێڤدەولەتى و گۆت: هێرشکرن ل سەر سازیێن ئەتۆمى بۆ سەر ئاساییشا جیهانێ و ژینگەها ناوچێ مەترسییەکا جدى یە.

ل گۆڕەیى ئاژانسا ئێرنا یا ئیرانێ شاندێ ئیرانێ هێرشێن ئەمریکا و ئسرائیل ب دوژمنکارانە وەسفکرن و راگەهاند، وان 17 جاران هێرشى بنگەهێن ئەتۆمى کریە، ل دەمەکى ئەو بنگەهنە ل بن چاڤدێرییا ئاژانسا نێڤدەولەتى نە.

هەروەسا ئاشکراکریە، ئێک ژ مووشەکان بتنێ 350 متران ل دوورى جهەکێ ب مەترسى کەفتییە کو کو کارلیککەرێ سەرەکى یێ وەستگەها ئەتۆمى لێ بوو.