گاڤ

سەرۆکێ حکومەتا هەرێما کوردستانێ ل گەل جێگرێ وەزیرێ دەرڤە یێ یۆنانێ کۆمبوو، هەڤڕابوون ل سەر بهێزکرنا پەیوەندییان.

ئەڤرۆ ئێکشەمبێ مەسروور بارزانى، سەرۆکێ حکومەتا هەرێما کوردستانێ ل گەل هارى تیۆهاریس، جێگرێ وەزیرێ دەرڤە یێ یۆنانێ کۆمبوو.

د دیدارەکێ دا هەر دو ئالى هەڤڕابوون ل سەر گرنگییا بهێزکرنا زێدەتر یا پەیوەندییێن هەرێما کوردستانێ و کۆمارا یۆنانێ د وارێن جودا جودا دا، ب تایبەت ژى بهێزکرنا پەیوەندیێن دو ئالى د وارێ لێکگوهارتنا بازرگانى، گەشتوگۆزار، کلتۆرى، شینوارى و ساخلەمییێ دا.

د پشکەکا دى یا دانوستاندنێن خۆ دا دیتن دەربارەیى دوماهى گوهۆڕین و پێشهاتێن رەوشا گشتى یا ئیراقێ و ناوچێ هاتنە بەحسکرن و دوپاتى ل سەر گرنگییا پاراستنا ئاساییش و ئارامییا ناوچێ هاتە کرن.