گاڤ

پۆلیسێن هەولێرێ راگەهاند، ئاسۆ مەجید قادر د زیندانێ دا دوماهى ب ژیانا خۆ ئینایە و لێکۆلینێن نۆشدارى ژى پشتراست دکەن.

رێڤەبەرییا پۆلیسێن پارێزگەها هەولێرێ رۆنکرنەک بەلاڤکر و دیارکر، تۆمەتبار ئاسۆ مەجید قادر ژ دایکبوویێ سالا 1977ێ یە و پێشمەرگە بوویە و ئێک ژ زێرەڤانێن سەر ب هێزێن زێڕەڤانى بوویە و فەرمانا دەستەسەرکرنێ بۆ دەرچوویە.

ئاماژە ب هندێ ژى دا تۆمەتبار ل گۆڕەیى ماددەیێ 1 ژ یاسایا ژمارە 21 یا سالا 2003یێ هاتییە دەستەسەرکرن و ل رێککەفتى 2ى نیسانا ئەڤسالە ژ ئالییێ تیمێن پۆلیسان ڤە هاتبوو دەستەسەرکرن.

ل گۆڕەیى زانیاریێن پۆلیسان ل 5ى ڤێ مەهێ ل دەمژمێر 12:20 خۆلەک ناڤهاتى ل ناڤا زیندانێ دوماهى ب ژیانا خۆ ئینایە.

پۆلیسێن هەولێرێ دیارکریە، تیمێن بەلگەیان و تاوانان و پشکا پۆلیس و نەهێلانا تاوانان ل رێڤەبەرییێ ل گەل پۆلیسێن نۆشدارییا داد لێکۆلین کریە و هاتییە سەلماندن و پشتراستکرن کو ناڤهاتى دوماهى ب ژیانا خۆ ئینایە.