گاڤ

دژە تیرۆرا کوردستانێ راگەهاند، هێزێن هەڤپەیمانییا ناڤدەولەتی شیاینە هژمارەکا فرۆکەیێن بێفرۆکەڤان یێن بۆمبەرێژکری ل ئاسمانێ باژێرێ هەولێرێ تێکبشکێنن و بئێخنەخوار، بێ کو چ زیانێن گیانی هەبن.

چارشەمبییێ 16ێ تیرمەها 2026ێ، دژە تیرۆرا کوردستانێ د ڕاگەهاندنەکێ دا ئاشکرا کر، هێزێن هەڤپەیمانییا ناڤدەولەتی دناڤبەرا دەمژمێر 20:53 هەتا دەمژمێر 21:20دا، ب سەرکەڤتییانە شیاینە هەشت فرۆکەیێن بێفرۆکەڤان یێن بۆمبەرێژکری ل ئاسمانێ باژێرێ هەولێرێ تێکبشکێنن و بئێخنەخوارێ.

ل گۆرەیی راگەهاندنێ، خۆشبەختانە هێرشان چ جۆرە زیانێن گیانی د دویڤخۆدا نەهێلاینە و رەوشا پایتەختی ئارامە.