گاڤ

بەرێ سپێدەهییا ئەڤرۆ هێزێن ئەسمانى یێن ئەمریکا هێرشێن دژوار ل سەر ئیرانێ کرن و ئیرانێ ژى سێ وەلاتێن ناوچی کرنە ئارمانج.

فەرماندەیا ناڤەندى یا سوپایێ ئەمریکا (سێنتکۆم) راگەهاند، وان پێلەکا دى یا هێرشێن نوى بۆ سەر ئیرانێ کر، هێرش ل دەمژمێر چارى بەرێ سپێدەهییا ئەڤرۆ بوو، هەروەسا ئاشکراکر، ناڤەندێن فەرماندەیان، پێگەهێن بەرگرییا ئاسمانى، شیانێن مووشەکى، درۆن و سازیێن چاڤدێرییا کەناران بووینە ئارمانج.

فەرماندەیا ناڤەندى خویاکریە ژى هێرش بۆ لاوازکرنا شیانێن تەهرانێ نە دا هێرشان ل سەر کەشتییان نەکەن.

ل گۆڕەیى سێنتکۆمێ چەکێ هویر د هێرشێن ئەڤرۆ سپێدێ دا هاتییە بکارئینان و ئارمانجێن وان هاتینە ژناڤبرن.

ژ ئالییێ خۆ ڤە سوپا و پاسدارێن ئیرانێ ژى د دو راگەهاندنێن جودا دا راگەهاند، وان هەر ئێ: ژ وەلاتێن ئوردن، کوێت و بەحرێن کرینە ئارمانج.

سوپایێ ئیرانێ دبێژیت: هێزێن شیاینە زیانەکا مەزن ب بارەگەهـ و جهێن ئەمریکا ل ناوچێ ب گەهینن و کۆگەهێن سووتەمەنییێ یێن سوپایێ ئەمریکا ل ئوردن بووینە ئارمانج.

ژ ئالییێ خۆ ڤە سوپایێ پاسداران راگەهاند، دو هێرش ل سەر بنگەهێ راداران یێ سیستەمێ سیرام یێ ئەمریکا ل بنگەهێ عەلى سالم ل کوێتێ هاتینە کرن و بنگەهـ و بارەگەهێن ئەمریکا ل بەحرێنێ ژى بووینە ئارمانج.