گاڤ

سەرۆکوەزیرێن ئیراقێ د نویترین داخویانى دا هێرشا شڤێدى ل سەر هەولێرێ شەرمزار کر و راگەهاند، ئەو هێرش بزاڤێن تاوانانە.

شڤێدى هێزێن هەڤپەیمانان 8 درۆنێن بۆمبرێژکرى ل ئاسمانێ هەولێرێ تێکشکاندن و بەرمایێن وان کەفتن، دژەتیرۆرا هەرێمێ ژى دبێژیت: چ زیان نەبوون.

عەلى زەیدى، سەرۆکوەزیرێن ئیراقێ ب توندى هێرشێن درۆنى ل سەر هەولێرێ شەرمزار کرن و فەرمان ب هێزێن ئێمناهییێ یێن حکومەتا فیدرال دا ل گەل هێزێن ئێمناهییا هەرێما کوردستانێ هەڤکار بن بۆ رێگریکرن ل دوبارەنەبوونا هێرشان.

عەلى زەیدى دبێژێت: هێڕشێن ل سەر هەولێرێ بزاڤێن تاوانکارى نە و ب شکەستى ڤە دڤێن سەقامگێرییا گەلى و ئاشتییا جڤاکى تێک بدەن.

هەروەسا دیاردکەت، ل سەر بنەمایێ بەرپرسایەتییا دەستوورى ب توندى وان دەستدرێژییان شەرمزار دکەین و دوپات کر، چاڤنقاندن ژ وان جۆرە بزاڤان ناهێتەکرن.

سەرۆکوەزیرێن ئیراقێ دەزگەهێن ئێمناهییێ رادسپێردن ب هەڤکارى ل گەل هێزێن ئێمناهییێ ل هەرێمێ هەمى بزاڤان بێخنە کارى بۆ بەرهنگاربوونا ئەوێن دڤێن زیانێ ب ئاشتییا ئیراقێ ب گەهینن.