گاڤ

جێگرێ سەرۆکێ ئەمریکا ئەڤرۆ رۆژا پێنجشەمبی دۆپاتکر کو دانوستاندنێن ل گەل ئیرانێ گەلەک بزەحمەتن و پێدڤی ب دەمی نە، ئەمریکا دێ هەمی ئالاڤێن سەربازی و ئابۆری و دپلۆماسی بکارئینیت داکو ب گەهیتە چارەیەکێ ل گەل تەهرانێ.

جەی دی ڤانس ئەڤرۆ د داخۆیانییەکێ دا بۆ میدیا ئەمریکا گۆت: دانوستاندن ل گەل ئیرانییان گەلەک ب زەحمەتن، نوکە رژێما ئیرانێ دابەشبوویە، هندەکان دڤێت دانوستاندنان بکەن و ب گەهنە رێککەفتنێ و هندەکان ژی دڤێت شەڕی بکەن.

هەروەسا گۆت: ئەمریکا هێشتا یا ل نیڤا رێکێ، لێ دێ ب هەلویستەکێ بهێز دەرکەڤیت و بهایێن سۆتەمەنیان دێ داکەڤن و ئیران ژی چ جاران نابیتە خودان چەکێ ئەتۆمی.

دەربارەی هەبوونا ناکۆکیان ل گەل دۆنالد ترەمپی گۆت: من چ ناکۆکی و ئالۆزی ل گەل سیاستەیا ترەمپی ل هەمبەر ئیرانێ نینە و ئیدارا ئەمریکا یا ئێکگرتی یە و بریارێن سەرۆکێ بجهدئینن.