گاڤ

هەنتەر بایدن، کورێ سەرۆکێ پێشتر یێ ئەمریکا رگەهاند؛ نەخۆشییا شێرپەنجەیا جۆ بایدنێ بابێ وی زێدەتر بەلاڤ بوویە و چوویە د ناڤ هەستیکێن وی دا.

هەنتەر بایدن د چاڤپێکەفتنەکا نوی دا ل گەل کەنالێ بی بی سی گۆت؛ "سەرباری وەرگرتنا چارەسەرییێ، نەخۆشیا بابێ وی زێدەتر بەلاڤ بوویە، شێرپەنجە چوویە د ناڤ هەستیکان دا و زێدەتر ژی بەلاڤ بوویە."

کورێ سەرۆکێ پێشتر یێ ئەمریکا ئاماژە ب وێ یەکێ ژی کر کو بابێ وی ژ ئەگەرێ ئێشانەکا مەزن دنالیت و گۆت: "ئەڤە گەلەک یا ب ئازارە و ژ گەلەک ئالییان ڤە مرۆڤی ژکاردئێخیت، بەلێ ئه‌و هێشتا د مەیدانێ دا مایە و کارێن خۆ دکەت و حەژ وەلاتێ خۆ دکەت.

ل مەها گۆلانا 2025ێ، ب تنێ پشتی چار هەیڤان کو وەکی مەزنترین سەرۆک د دیرۆکا ئەمریکا دا دویماهی ب ئەرکێ خۆ ئینایی، جۆ بایدن دیار کر کو تووشی جۆرەکێ مەترسیدار یێ شێرپەنجەیا پرۆستاتێ بوویە و نەخۆشی د ناڤ هەستیکێن وی دا بەلاڤ بوویە.