لیۆنێل مێسی ل دۆر وەغەرکرنا بابێ خۆ پەیامەکا کاریگەر بەلاڤکر
بەلاڤ بکە
گاڤ
لیۆنێل مێسی، ستێرەیێ ئەرجەنتینی پەیامەکا کاریگەر یا خاترخواستنێ ژ خورخێ مێسییێ بابێ خۆ بەلاڤکر و تێدا ئاماژە ب هندێ دا کە ژ بەر ڤێ وەغەرکرنێ گۆمان بۆ چێبووینە ل سەر پاشەرۆژا خۆ د جیهانا تەپاپێ دا.
ستێرەیێ ئەرجەنتینی د پەیاما خۆ دا نڤیسییە، هەتا نوکە باوەرناکەت بابێ وی وەغەرا دویماهیێ کریە و خەیالکرنا ژیانێ ب بێ دیتنا وی بۆ وی گەلەک یا ب زەحمەتە.
مێسی ئاشکراکریە کو بابێ وی داخواز ژێ کربوو پشکدارییێ د دویماهی مۆندیال دا بکەت، بەلێ دروست بەری دەستپێکرنا قارەمانییێ رەوشا ساخلەمییا بابێ وی تێکچوو، ڤێ چەندێ کر ژی کو بۆ ئێکەم جار نەشێت ژ نێزیکڤە بەرهەڤی یارییێن کوڕێ خۆ ببیت.
مێسی د پشکەکا دی یا پەیاما خۆ دا دبێژیت: "من دگۆتە تە دێ گەهینە یارییا دویماهییێ دا کو تۆ بشێی گەشتێ بکەیی و بهێیی". وی بەحسێ هندێ کریە کو پشتی هەر یارییەکێ بیرییا نامێن بابێ خۆ دکر و هەمی بزاڤکرن دا کو تیپێ بگەهینیتە دویرترین خال بۆ هندێ دەمەکێ زێدەتر بدەتە بابێ خۆ بۆ ساخبوونێ، بەلێ د یاریای دویماهییێ دا لەشێ وی یێ ماندی بوو و نەشییا وەک یا پێدڤی بیت. لیۆ دبێژیت: "ئەم نەشیاین ببینە قارەمان، بەلێ تۆ یێ راستبوویی کو یێ بەرهەڤ بم و یارییێ بکەم".
وی یاریزانی دیارکریە کو بابێ وی بۆ وی هە دەم وەکی راهێنەر، هەڤال و رێڤەبەرێ کارێن وی بوویە و هەر ژ زارۆکینیێ پشتەڤانێ وی یێ ئێکێ بوویە. مێسی نڤیسییە: "نوزانم بێی تە ئەز دێ چەوا بەردەوام بم، بتنێ بۆ تە من یاری دکر و نوکە گۆمانێن هەین بۆ دەمەکێ درێژ ل سەر یاریکرنێ بەردەوام بم".
د دویماهیێ دا پەیمان دایە کو زارۆکێن خۆ ب وی شێوەیی پەروەردەبکەت ئەوا بابێ وی و وی خویشک و برایێن وی پێ پەروەردەکرین.
خورخێ مێسی د دەستپێکا کاروانێ وەرزشی یێ کوڕێ خۆ دا رۆلەکێ سەرەکی هەبوو د ڤەگوهاستنا لیۆنێلی دا بۆ ئەورۆپا و ئیمزاکرنا ئێکەم گرێبەستا وی ل گەل یانەیا بەرشەلۆنا، ژ وی دەمی و هەتا وەغەرکرنێ وەکی سیبەرێ و رێڤەبەرێ کارێن وی ل گەل کوڕێ خۆ مابوو.
