گاڤ

جۆزێ مۆرینیۆ، راهێنەرێ ریال مەدرید، رویبروی ئاریشەیەکا مەزن بوویە بەری یارییا چاڤەرێکری بەرامبەر ئنتەر میلانا ئیتالی د چامپیۆنسلیگێ دا و دێ نەچار بیت پەنایێ بۆ چارەیێن نەئاسایی ببەت.

ل دویڤ رۆژنامەیا ئەی ئێس یا ئیسپانی، هەرئێک ژ بێرناردۆ سیلڤا، ئاردا گولەر و ئێدواردۆ کاماڤینگا ب ئەگەرا سزادانێ ئامادە نابن، د دەمەکی دا ئۆرێلین چۆامینی ب ئەگەرا هنگافتنێ دێ بێ بەهربیت نوکە ب تنێ فێدی ڤالڤێردی وەک یاریکەرێ هێلا ناڤین یێ ئامادەیە، ئەڤەژی مۆرینیۆی نەچار دکەت شێوازێ یارییکرنێ بگۆهوریت یان یاریکەران د جهێن نە دروست دا بکاربینیت.

ل گۆرەی رۆژنامێ، جود بێلینگهام د پێشەنگییا چارەیان دایە بۆ ڤەگەریانێ بۆ هێلا ناڤین، هەروەسا ترێنت ئەلێکساندەر ئارنۆلد بەربژێرەکێ دییە بۆ پشکداریکرنێ د شێوازێ 4-3-3 دا دگەل ڤالڤێردی و بێلینگهامی.

ژ ئالیەکێ دی ڤە، دین هاوسن وەک چارەیەکا دی یا وێرەکانە دیار دبيت، ب تایبەت کو خودان شیانێن بلندە د مامەلەکرنێ د گەل تەپێ دا. هەروەسا خۆرخێ سیستێرۆ ژ ئەکادمیایا یانەیا شاهانە بەربژێرەکێ دییە، ب تایبەت ل گەل بەردەوامییا هنگافتنا یاریکەرێ گەنج تیاگۆ بیتارچ و چوونا مانوێل ئانخێل بۆ فولهام.