گاڤ

حکومەتا تورکیا د چارچووڤەیێ پلانا ئابۆری یا سێ سالی دا، بریار دا بودجەیا وەزارەتا بەرگرییێ بۆ سالا 2027ێ ب رێژەیا 86% زێدە بکەت، ئارمانج ژێ دەستبەردانە ژ کرینا چەکێ دەرەکی.

حکومەتا تورکیا د چارچووڤەیێ پلانا ئابۆری یا سێ سالی دا بۆ دیارکرنا داهات و مەزاختنێن وەلاتـی، بریار دایە بودجەیا وەزارەتا بەرگرییێ زێدە بکەت، ب ڤێ چەندێ ژی کۆژمێ بودجەیێ د سالا 2027ێ دا دێ گەهیتە ئێک تریلیۆن و 533 ملیار لیرەیان، ئەڤە ژی جێوازی دگەل سالا 2026ێ ب رێژەیا 86% زێدەبوون ب خۆ ڤە دیتییە.

جەودەت یەلماز، جێگرێ سەرۆککۆمارێ تورکیا راگەهاند؛ مەبەستا وان ژ ڤێ زێدەکرنێ دابینکرنا پێدڤییێن ناڤخۆییە.

دا زانین ژی:  حکومەتێ دڤێت ل شوینا کرینا چەک و پێدڤییێن سەربازی ژ وەلاتێن دەرڤە، تەکنۆلۆژیا سەربازی دناڤخۆ دا پێشبێخیت و چەکێن خۆ بەرهەم بینیت، دا کو بشێت پشتبەستنێ ل سەر خۆ بکەت.