چاڤ لسهر مهدریدێ نه و مان یونایتد د رهوشهكا خراب دایه
گاڤ
د یارییەکا ئاگرین دا ژ هەڤڕکییێن گەڕا دووێ یا خولا یانەیێن قارهمانێن ئەورۆپا، یانەیا ئهتلهتیکۆ مەدرید یا ئسپانی د ناڤ یاریگەهـ و پشتهڤانێن خۆ دا همبەر یانەیا مانچێستەر یونایتد یا ئینگلیزی دێ یاریێ کەت.
مەدرید دێ مێهڤاندارییا یارییەکا بهێز كهت كو دو یانە ب دو ئارمانجێن جودا رویبروی ئێک دبن؛ ئهتلهتیکۆ مەدرید بۆ قەرەبووکرنا خوسارەتییا یارییا ئێکێ و مانچێستەر یونایتد ژی بۆ هەڤڕکیێ ل سەر ب دەستڤەئینانا سهركهڤتنا دووێ.
رۆخێ بلانکۆس د یارییا ئێکێ یا چامپیۆنزلیگێ دا هەمبەر یانەیا لیڤەرپوول خوسارەت ببوو، لێ د 3 یارییێن دویماهییێ یێن لالیگایێ دا سەرکەڤتن ب دەست ڤە ئینایە و دڤێت مفای ژ یاریگەهـ و جەماوەرێ خۆ وەربگریت دا کو خوسارەتییا یارییا بۆری قەرەبوو بکەت و ئێکەم سەرکەڤتن د چامپیۆنزلیگێ دا تۆمار بکەت.
یانەیا مانچێستەر یونایتد ژى د رەوشەکا گەلەک خراب دا دچیتە مەدرید و هەمبەر ئهتلهتیکۆ مەدرید یاریێ دکەت؛ چەندین یاریزانێن یانەیێ ئامادە نینن و پشکداریکرنا ستێرەکا یانهیێ ژی هێشتا یا ب گومانە.
مانچێستەر یونایتد سەربارى، وێ چەندێ کو د یارییا ئێکێ یا چامپیۆنزلیگێ دا سەرکەڤتن ب دەست ڤە ئینابوو، لێ د 4 یارییێن داویێ دا ل سەر ئاستێ ناڤخۆ چ یاری نەبرینە و د رەوشەکا گەلەک خراب دایە.
مانچێستەر یونایتد 4 یاری همبەر ئهتلهتیکۆ مەدرید كرینه، لێ چ ژ وان نەبرینە؛ دو جاران خوسارەت بوویە و د دو یارییان ژی دا وەکهەڤ بووینە.