نێچیرڤان بارزانی و کونسولا ئەمریکا رژدى ل ته‌بایی و زوى پێكئینانا حكوومه‌تا هه‌رێمێ كرن

بەلاڤ بکە

گاڤ

سەرۆکێ هەرێما کوردستانێ پێشوازی ل کونسولا گشتی یا ئەمریکا کر؛ د دیداره‌كێ دا هەردو ئالیان رژدى ل تەبایییا ناڤخۆ، لەزکرن ل پێکئینانا کابینەیا نوی یا حکومەتا هه‌رێمێ و چارەسەرکرنا کێشەیێن دگەل بەغدا ل سەر بنەمایێ دەستووری کرن.

ئه‌ڤرۆ نێچیرڤان بارزانی، ل هەولێرێ پێشوازی ل خاتوین گویندەلن گرین، کونسولا گشتی یا ئەمریکا ل هەرێما کوردستانێ کر. د دیدارێ دا چەندین تەوەرێن گرنگ یێن پەیوەندیدار ب رەوشا سیاسی و پەیوەندیێن دوقۆلی هاتنە بەحسکرن.

هه‌روه‌سا پەیوەندیێن ئەمریکا دگەل ئیراق و هەرێما کوردستانێ و رەوشا ناڤخۆیا هەرێمێ هاتنە گەنگەشەکرن. هەردو ئالی هه‌ڤڕا بوون ل سەر پاراستنا ئێکرێزیێ و بلەزئێخستنا گاڤێن دروستکرنا کابینەیا نوی یا حکومەتا هەرێمێ، هەروەسا چارەکرنا پرسێن هلاویستی د ناڤبەرا هەولێر و بەغدا دا ل دویڤ دەستووری، دگەل پاراستنا ئارامی و سەقامگیرییا دەڤەرێ ب گشتی.

 

 

زێدەتر دەربارەی