میلیشیایێن چەکدار یێن ئیراقی خۆ وەک گەفەکا هەرێمی و ناڤدەولەتی سەپاند پشتی زنجیرەکا هێرشان کرینە سەر وەلاتێن جیران یێن ئیراقێ و ل گۆرەیی ئاشکراکرنا نڤیسینگەها ڤەکۆلینێن فیدرالی یا ئەمریکا (FBI) دەربارەیی ئۆپەراسیۆنێن تیرۆرستی یێن ناڤدەولەتی کو ژ ئالییێ سەرکردەیەکێ وان میلیشیایان ڤە دهێنە برێڤەبرن و ل ژێر سیبەرا فەرمی یا "دەستەیا حەشدا شەعبی" کار دکەن. ئەڤ چەندە فشارەکا گەلەک مەزن دئێخیتە سەر حکومەتا نوی یا ئیراقێ ب سەرۆکاتییا عەلی زەیدی و دئێخیتە هەمبەر ئالنگارییان ل دۆر پێشکێشکرنا گەرەنتییێن پێدڤی بۆ وەلاتێن جیران و جڤاکا ناڤدەولەتی دەربارەیی وان گاڤێن کو دێ بۆ ب دویماهیئینانا ب ڤان گەفان هاڤێژیت.